spot_img
spot_img
spot_img
21.1 C
Belagavi
Friday, September 30, 2022
spot_img

ಶಾಸಕಿ ಲಕ್ಷ್ಮೀ ಹೆಬ್ಬಾಳಕರಗೆ ‘Development Queen’ ಬಿರುದು ಕೊಟ್ಟ ಜನತೆ

spot_img

ಬೆಳಗಾವಿ: ತಮ್ಮ ನಿರಂತರ ಕ್ರಿಯಾಶೀಲತೆ, ಜನಪರತೆ, ಅಭೂತಪೂರ್ವ ಅಭಿವೃದ್ಧಿ ಕಾರ್ಯದಿಂದ ಬೆಳಗಾವಿ ಗ್ರಾಮೀಣ ಕ್ಷೇತ್ರದ ಜನಮನ ಗೆದ್ದ ಶಾಸಕಿ ಲಕ್ಷ್ಮೀ ಹೆಬ್ಬಾಳಕರ ಅವರಿಗೆ ಕ್ಷೇತ್ರದ ಜನತೆ ‘Fire Brand Lady’, ‘Development Queen’ ಎಂದು ಕರೆದಿದೆ.

ಈ ಅಭಿಮಾನದ ದ್ಯೋತಕವಾಗಿ ಈಗ ಅಭಿಮಾನಿಗಳೇ ಶಾಸಕಿ ಲಕ್ಷ್ಮೀ ಹೆಬ್ಬಾಳಕರ ಅವರ ಹೆಸರಿನ ಸ್ಟಿಕ್ಕರ್ ಗಳನ್ನು ತಯಾರಿಸಿ ಅದನ್ನು ಅವರ ಕೈಯ್ಯಿಂದಲೇ ಬಿಡುಗಡೆಗೊಳಿಸಿ ತಮ್ಮ ವಾಹನಗಳಿಗೆ ಅಂಟಿಸಿಕೊಂಡಿದ್ದಾರೆ.

ವೃತ್ತಾಕಾರದ ಸ್ಟಿಕ್ಕರ್ ನಲ್ಲಿ ಲಕ್ಷ್ಮೀ ಹೆಬ್ಬಾಳಕರ ಅವರ ಭಾವಚಿತ್ರವಿದ್ದು ಅದರಲ್ಲಿ ‘Fire Brand Lady’ ಹಾಗೂ ‘Development Queen’ ಎಂದು ನಮೂದಿಸಲಾಗಿದೆ.

 

ಲಕ್ಷ್ಮೀ ಹೆಬ್ಬಾಳಕರ ಅವರು ಬೆಳಗಾವಿ ಗ್ರಾಮಿಣ ಕ್ಷೇತ್ರದ ಶಾಸಕಿಯಾದಾಗಿನಿಂದ ಕ್ಷೇತ್ರದಲ್ಲಿ ಅಭಿವೃದ್ಧಿ ಪರ್ವವೇ ಆರಂಭಗೊಂಡಿದೆ. ಎಲ್ಲ ರೀತಿಯ ಮೂಲ ಸೌಕರ್ಯಗಳ ಅಭಿವೃದ್ಧಿಯ ಜೊತೆಜೊತೆಯಲ್ಲೇ ಕ್ಷೇತ್ರದಲ್ಲಿ ಮಹಿಳೆಯರ ಸಬಲೀಕರಣದೊಂದಿಗೆ ನೊಂದವರಿಗೆ ನೆರವಾಗಿ, ಸಾಧಕರಿಗೆ ಪ್ರೋತ್ಸಾಹಕರಾಗಿ ಅವರು ನಿರ್ವಹಿಸಿದ ಜನಸೇವೆ ಅಪಾರ ಮನ್ನಣೆ ಗಳಿಸಿದ್ದಕ್ಕೆ ಈ ಸ್ಟಿಕ್ಕರ್ ಸಾಕ್ಷಿಯಾಗಿದೆ.

ವಿಶೇಷವಾಗಿ ಕ್ಷೇತ್ರದ ಯುವಜನತೆ ಲಕ್ಷ್ಮೀ ಹೆಬ್ಬಾಳಕರ ಅವರನ್ನು ಅಭಿವೃದ್ಧಿಯ ಐಕಾನ್ ಆಗಿ ಸ್ವೀಕರಿಸಿದ್ದು ಸ್ವಯಂ ಪ್ರೇರಣೆಯಿಂದ ಯುವಕರೇ ಸಿದ್ಧಪಡಿಸಿ ವಿತರಿಸುತ್ತಿರುವ ಈ ಸ್ಟಿಕ್ಕರ್ ಗಳು ವ್ಯಾಪಕವಾಗಿ ಬೇಡಿಕೆ ಪಡೆದಿವೆ.

ಶನಿವಾರ ಸ್ಟಿಕ್ಕರ್ ಗಳನ್ನು ಬಿಡುಗಡೆಗೊಳಿಸಿದ ಲಕ್ಷ್ಮೀ ಹೆಬ್ಬಾಳಕರ ಅವರ ಕೈಯ್ಯಿಂದಲೇ ತಮ್ಮ ವಾಹನಗಳಿಗೆ ಅವುಗಳನ್ನು ಅಂಟಿಸಿಕೊಂಡು ಯುವಜನ ಕೃತಾರ್ಥತೆ ಹೊಂದಿದ್ದಾರೆ.

ಇದಕ್ಕೆ ಪ್ರತಿಯಾಗಿ ಲಕ್ಷ್ಮೀ ಹೆಬ್ಬಾಳಕರ ಅವರು “ನನ್ನ ಮೇಲಿರುವ ವಾತ್ಸಲ್ಯಭರಿತ ಪ್ರೀತಿಯನ್ನು ಈ ಅಭಿಮಾನಿಗಳು ಸ್ಟಿಕರ್ ಗಳ ಮೂಲಕ ತೋರಿಸುತ್ತಿರುವುದು ಮನಸ್ಸಿಗೆ ಖುಷಿ ಎನಿಸುತ್ತಿದೆ. ನಿಮ್ಮ ಅಭಿಮಾನದಿಂದಲೇ ನಾನು ಬೆಳಗಾವಿ ಗ್ರಾಮೀಣ ಕ್ಷೇತ್ರದ ಶಾಸಕಿಯಾಗಿದ್ದೇನೆ, ಈ ಸಂದರ್ಭದಲ್ಲಿ ಒಟ್ಟಾರೆಯಾಗಿ ಕ್ಷೇತ್ರದ ಎಲ್ಲ ಹಿರಿಯರಿಗೆ, ಕಿರಿಯರಿಗೆ ನನ್ನ ಹೃದಯಪೂರ್ವಕ ಧನ್ಯವಾದಗಳು. ನಿಮ್ಮೆಲ್ಲರ ಪ್ರೀತಿ, ಪ್ರೋತ್ಸಾಹ, ಆಶೀರ್ವಾದ ಸದಾಕಾಲವೂ ಹೀಗೆಯೇ ಮುಂದುವರೆಯಲಿ ಎಂದು ಕೇಳಿಕೊಳ್ಳುತ್ತೇನೆ.” ಎಂದು ಹೇಳಿದ್ದಾರೆ.

spot_img

Related News

ಇಂದು ರಾಜ್ಯಕ್ಕೆ ಭಾರತ್ ಜೋಡೋ ಯಾತ್ರೆ

ಚಾಮರಾಜನಗರ : ರಾಹುಲ್ ಗಾಂಧಿ ನೇತೃತ್ವದಲ್ಲಿ ದೇಶಾದ್ಯಂತ ನಡೆಸುತ್ತಿರುವ ಭಾರತ್ ಜೋಡೋ ಯಾತ್ರೆ ಇಂದು ರಾಜ್ಯಕ್ಕೆ ಆಗಮಿಸಲಿದ್ದು, ಬರಮಾಡಿಕೊಳ್ಳಲು ಕಾಂಗ್ರೆಸ್ ತಯಾರಿ ಜೋರಾಗಿದೆ. ನಾಯಕರನ್ನು ಸ್ವಾಗತಿಸಲು ರಾಜ್ಯ ಕಾಂಗ್ರೆಸ್‌ ನಾಯಕರು ಸರ್ವ ರೀತಿಯಲ್ಲೂ...

ಪ್ರತಿ ಇನ್ಸಸ್ಟಾಗ್ರಾಂ ಪೋಸ್ಟ್ ಗೆ 8 ಕೋಟಿ ರೂ. ಪಡೆಯುವ ವಿರಾಟ್ ಕೊಹ್ಲಿ

ನವದೆಹಲಿ: ವಿರಾಟ್​ ಕೊಹ್ಲಿ ಸಾಮಾಜಿಕ ಜಾಲತಾಣ ಇನ್​ಸ್ಟಾಗ್ರಾಂನಲ್ಲೂ ಹೊಸ ದಾಖಲೆ ಬರೆದಿದ್ದಾರೆ. ಇನ್​ಸ್ಟಾಗ್ರಾಂನಲ್ಲಿ ಅವರು ಪ್ರತಿ ಪ್ರಾಯೋಜಿತ ಪೋಸ್ಟ್​ಗೆ ಬರೋಬ್ಬರಿ 8 ಕೋಟಿ ರೂಪಾಯಿ ಚಾರ್ಜ್​ ಮಾಡುತ್ತಿದ್ದಾರೆ. ಈ ಮೂಲಕ ಇನ್​ಸ್ಟಾಗ್ರಾಂನಲ್ಲಿ ಗರಿಷ್ಠ ಹಣ...

LEAVE A REPLY

Please enter your comment!
Please enter your name here

Latest News

- Advertisement -
- Advertisement -
- Advertisement -
- Advertisement -